"حسبي الله ونعم الوكيل فيكي يا هالة" بسمة بوسيل تؤكد ان الخيانة سبب طلاقها من تامر حسني! 

فيديو واحد تسبب بموجة كبيرة من الجدل فقدت بسمة بوسيل على إثره أعصابه ووجهت اتهامات صادمة لطليقها تامر حسني في الساعات الأخيرة بسمة شاركت مقطع فيديو نشره تامر لإحيائه حفل زفاف مديرة أعماله لتنفجر طليقته غاضبة وتتهم العروس هالة بأنها سبب “خراب بيتها”

بسمة قالت في ستوري نشرتها شاركت فيها الفيديو: “حسبي الله ونعم الوكيل فيك يا هالة” ولزوجها تامر وجهت رسالة مدوية قالت فيها: “احترام العشرة بيبتدي باحترام مشاعر غيرك…بالذات لو حد كان سبب رئيسي في خراب بيتك وهدم حياة ولادك”

تامر علق على الفيديو الذي نشره عن هالة وقال: “لكل اللي بيسأل عن ايه وجه القرابة بيني وبين العروسه الجميله دي شايف اسأله كتير انا هحكيلكوا…هي اسمها هالة عمر عرفتها كانت بنت من الفانز صغيرة و من المقاتلين والمدافعين عن تامر على الانترنت…و من كتر دفاعها عني لفتت نظري و مره رديت عليها شكرتها و لما سافرت اسكندرية في الوقت ده لقيت بنت صغيره اوي بتعيط و بتجري عليا فا وقفت لها و فكرتني بنفسها و فضلت تعيط ”

تقولي احنا معاك و لازم تكمل عشان كنت بتحارب جداً في بداياتي فا اتصدمت ان اللي بتقول كده بنت صغيره كده و المجهود ده كله اللي عاملاه بنت صغيره عندها ١٤ سنه وقتها كانت السوشيال ميديا لسه بتطلع و كنا في شركتنا بندور على شركه كبيره تمسكلي السوشيال ميديا لحد ما قولتلهم انا مش عايز شركه كبيره انا عايز البنت الصغيره دي هي اللي تمسكها”

وأضاف: “فضلوا يقنعوني ان كده مش صح ولازم اكتر حد خبره يمسكها وانا قولت لا لازم اكتر حد بيحبني هو اللي يمسكها و انا واثق ان طاقة الحب مفعولها اقوى من طاقة المحترف بلا حب فعرضت عليها تشتغل معايا و هي في السن ده مصدقتش طبعاً و من ساعتها و هي اللي ماسكه كل شغل الميديا الطفله الشاطره اللي كبرت دلوقتى قدامكم هاله عمر ،،، اما بقى عريسها العسل ده اسمه عمرو طلب اديها مني انا عشان والدها و والدتها توفاهم الله. في سنة واحدة رحمهم الله ياريت نفتكرهم و نهدي لهم ثواب الدعاء و الفاتحه”

وختم قائلاً: “و من اللحظه دي اتحولت هاله لبنتي الكبيره بجد اللي بتتجوز دلوقتي قدامي و بسلمها لعريسها بنفسي و بغني في فرحها ، معرفتش ارد على كلامك عني في الفرح يا هاله رديت دلوقتي هنا ربنا يكرمك و يسعدك مع جوزك الجميل المحترم اللي هيكون ضهرك وسندك و يكمل معاكي مشوار حياتك مع اولادكم الجُمال بإذن الله”