ماذا فعلت يسرا؟!.. هجوم حاد عليها بسبب التريند

ماذا فعلت يسرا؟!.. هجوم حاد عليها بسبب التريند

26 مارس 2023 | 05:06 م

ماذا حدث للفنانة يسرا هذا العام، قالت انها تريد أن تقدم عمل كوميدي للسنة الثانية على التوالي، ولكن من الواضح أن المسلسل هذا العام الذي تقدمه لن يلبي طموحات الجمهور.

معروف عن سيفا حبيبة الملايين إنها بتحب تشجع المواهب الجديدة.. والشباب وتكتشف شخصيات مكنتش واخدة حقها قبل كده.. بس مش لدرجة شبيه مبابي يا أستاذة يسرا

انتشر فيديو على السوشيال ميديا لشبيه مبابي.. لاعب نادي باريس سان جيرمان .. اللي واكل عيش على قفا اللاعب العالمي.. وبيطلع في برامج ويعمل إعلانات وحملات دعاية لمحلات وماركات.. لمجرد إنه شبهه.

قامت الفنانة يسرا جيباه معاها هو كمان في مسلسلها الرمضاني الجديد “1000 حمد الله ع السلامة”.. ولإن الولد محترف سوشيال ميديا.. صور معاها فيديو تيك توك.. وهو بيحضنها ويبوسها ويشكرها على الفرصة.. فا حقق التارجت المطلوب

مش بس شبيه مبابي اللي واخد فرصة عمره مع يسرا السنة دي.. كمان عنبة مغني المهرجانات حقق حلمه أخيرا بالتمثيل ومش قدام أي حد.. ده جاي مع يسرا اللي الناس كلها ما بتصدق تطلع معاها في مشهد مثلا.

ما بين مبابي وعنبة.. بتدور يسرا على كل حاجة تحقق مسلسلها.. والسنة دي معاها كذا حد منهم شيماء سيف طبعا بعد ما نجحوا سوا جامد السنة اللي فاتت في مسلسل أحلام سعيدة.. وحبيبة قلبها مايان ميونة.

مايان ميونة اللي طالعة في المسلسل بنت يسرا اللي رجعت معاها من كندا لأول مرة في حياتها تيجي مصر عشان تستلم ميراثها من والدها.. هتقع في قصة حب مع عنبة.. فا لكوا أن تتخيلوا يعني.

في الحلقة الأولى من المسلسل رجعت يسرا من كندا عشان تستلم ميراث جوزها.. وبتتلخبط وتبدل شنطتها مع حد من المسافرين.. فا بيضيع منها كل الفلوس اللي معاها.. ومبتبقاش عارفة تروح فين ولا تتحرك ازاي بعيالها دول.

بترجع سميحة عشان تستلم ميراث 9 مليون دولار من جوزها.. وبتفتح شقتها القديمة ولسه هتعيش الذكريات.. بتكتشف إن الشقة مسكونة.. وإنها راجعة على كارثة كبيرة مكنتش عاملة لها حساب.

الجمهور كان عنده مشكلة مع مسلسل يسرا بداية من الباروكة الغريبة.. يعني عارفين إنك راجعة من كندا يا سيفا بس مش ده البلوند الحقيقي يعني.. لغاية الصوت العالي.. والكوميديا اللي مش عارفين نضحك عليها لحد دلوقتي

وغالبا الأيام الجاية المستوى هينزل أكتر والصوت العالي هيزيد.. ويسرا هتقدم بيئة مش متعودين عليها في مسلسل المفروض إنه بيتكلم عن ناس أغنيا ومعاهم فلوس وعيشتهم مرتاحة

هنشوف الحلقات الجاية هتقدر يسرا تحافظ على نجاحها بتاع كل سنة.. ولا مشاهير التيك توك هيطلعوا رهان خسران.

مقالات متعلقة عرض الكل