"روح بلغ لو واحدة تحرشت بيك".. رضوى الشربيني تنصح الرجال بطريقة ساخرة.. لن تصدق ردة فعلهم

علقت الإعلامية رضوى الشربيني على رسالة لأحد الرجال من متابعي برنامجها "هي وبس"، يتساءل عن سبب مهاجمتها للرجال الخائنين.

وأكدت رضوى الشربيني علي أهمية الرسالة والرد عليها، خاصة وإنها نصت بأنه كرجل لا يخون إلا لو تم وضعه تحت ضغط من الإغراءات الشديدة أو أن سيدة ضحكت عليه مشيرا إلي أن "البحر يحب الزيادة"، وردت عليه رضوى الشربيني، قائلة "كلنا عارفين أن الرجالة بتخون، يا أما فيه راجل فرفوش بيحب الستات، يا أما مبدأه التعدد، ولكن أنه يخون تحت ضغط دي أول مرة أسمعها، فلو فيه أي واحدة بتتحرش بيك، أو شربتك حاجة صفرا وبتضغط عليك بطريقة معينة، روح بلغ عنها وماتحطش نفسك تحت أي صغط".

وأضافت: قانون التحرش مش للستات بس، للرجالة كمان، روح بلغ عنها وإحنا كلنا في ضهرك، وأوعي تتكسف علي فكرة، لكن فكرة أن البحر يحب الزيادة فأحب أقول لحضرتك اننا في 2023 الحكاية بقت معكوسة عشان الرجالة بقت عاملة زي بوفيه الأكل المفتوح اللي الأكل بقاله من 4 لـ 5 ايام عليه، كل واحدة تعدي تأكل وتمشي وفيه اللي بطنها بتوجعها فمش بتكرر الأكل منه مرة تانية، وفيه اللي متعودة عل الأكل الحمضان ده".

ووصفت رضوي قائلة: "لو الضغوط دي لأن أنت زي الطفل مع الستات اللي بيمارسها عليك، فأشمعني بتتحول لراجل علي مراتك وتفضل تشخط وتزعق وتجعر والجيران يفضلوا يسمعوك، واللا ماما طلعتلك أن ألف مين يتمناك، كده روح اتعالج عشان تكون راجل مش متاح أو محترم احتمال برضة".

وأكدت الشربيني علي فكرة أنها لا تهاجم الرجال الخائنين، لأنهم لن يتحملوا منها دقيقتين، وتابعت: "أنا بس بيتطلب مني اعلق على حاجة من حد أو حد بيأخد رأي مش أكتر".

رضوى الشربيني (30 سبتمبر 1981) هي إعلامية مصرية، تقدم برنامج «هي وبس» على قناة سي بي سي سفرة منذ فبراير سنة 2017.

قدمت رضوى بعض البرامج التلفزيونية منها برنامج مخصص للسيارات على قناة المحور، وبرنامجا فنيا على قناة الحياة، وبرنامج «أنا مصر» في التلفزيون المصري، بالإضافة إلى عملها في شبكة تلفزيون العرب في البرنامج الإخباري «بروباجندا تي في»، إلا أنها اكتسبت شهرة عن طريق برنامجها «هي وبس» الذي يعرض على قناة سي بي سي سفرة.