الاعلامية المثيرة للجدل رضوى الشربيني لم تستطع تحمل المنظر .. اليكم ابرز ما قالته عن زفاف حسن شاكوش وعن ما قامت به عروسه في حفل الزفاف.!

اثارت زوجة المطرب الشعبي المصري حسن شاكوش الكثير من الجدل بعد أن قامت بالسجود بفستان الزفاف تعبيرا عن فرحها.

وفي أول تعليق على هذه الواقعة، خرجت الاعلامية المصرية رضوى الشربيني عن صمتها لتعبر عن رأيها في هذا الأمر.

وتحدثت رضوى الشربيني في برنامجها "هي وبس" ، أن كثير من المتابعين طلبوا منها التعليق على هذه الواقعة ،فقالت: "هقول إيه، ست فرحانة بتعبر عن فرحتها، يمكن هي شايفة حسن شاكوش الراجل اللي تعمله الحركة دي في الفرح قدام الناس" .

وأضافت: صحيح هي حركة أوفر جدا، وآخر حاجة كنا بنشوفها إن لاعيبة الكورة يسجدوا لما يجيبوا جون، آخر حاجة شوفناها إن العرايس لما تبقى فرحانة أوي وسعيدة تبوس إيد جوزها أو كتفه أو تحضنه، ولكن واحدة ست تسجد في فرح شكر لربنا قدام الناس والصحفيين، مشوفناهاش الكلام ده قبل كده، ولكن كل واحد من حقه يعبر عن فرحته بالطريقة اللي تعجبه".

وتابعت: تعليقي أنا علي الواقعة بعيد عن ريم طارق أنه إزاي أنا واحدة ست هانم انزل علي ركبي ومنها علي الأرض قدام الناس بفستان الفرح ميصحش، وأنا كأنثي بأقول لا، ومشكلتنا والخوف لو تحول الأمر إلى ترند، وكل واحدة نلاقي ليها صورة وهي ساجدة في الأرض بفستان الفرح بتحمد ربنا على عريسها، ياريت يا بنات متعملوش كده أبدًا، لما أجي أحمد ربنا، ربنا موجود، فإحنا نقدر نحمده طول الوقت، مش لازم أعمل سحبة مايكل دي، وأفرد دراعي وأحمده قدام الناس بالشكل ده.