علا غانم تفاجئ الجميع وتبكي بحرقة على الهواء مباشرة والسبب صادم للغاية

أثارت الفنانة علا غانم موجة جدل على السوشيال ميديا بعد ظهورها تبكي على الهواء مباشرة. 

ورصد فريق التحرير في موقع "الفن وأهله" مداخلة هاتفية للفنانة مع برنامج "الحكاية" الذي يقدّمه الإعلامي عمرو أديب على قناة "mbc مصر". 

وتحدثت الفنانة في المداخلة  عن تفاصيل أزمتها مع زوجها، والذي أقامت ضده دعوى خُلع وتنتظر صدور الحكم بعد ردّ محاميها في المحكمة.

وفي المداخلة ،أجهشت الفنانة علا بالبكاء على الهواء، مشيرة إلى تعرضها للعنف والقهر والطرد من منزلها على يد زوجها وعدد من الأشخاص المجهولين بقولها: "يوم الجمعة بعد الصلاة فجأة لقيت أحد الخفر بيندهلي وبيقولي فيه ناس كتير بيقولوا إنهم تبعك".

وتابعت:" طلعت بسرعة أشوف مين الناس دي طلعت علي البلكونة لقيت ناس كتير وعربيات كتير وستات، وقالولي أفتحي عندنا حفلة وعندنا تنظيف، ابتديت اقولهم هطلب البوليس لإنهم بدأوا يدفعوا البوابة، فجأة لقيت واحد اسمه محمد حسين كان بيشتغل مع جوزي زمان بيقول إيه يا علا أفتحي الباب وبيكلمني بطريقة حقيرة".

وأضافت:" فقلت له اتكلم بأدب وأنا بطلب البوليس وبدأت أصرخ وفجأة لقيت ناس غريبة دخلت، فلقيت زوجي ومعاه الشخص ده وحاولوا يفتحوا البوابة علشان يدخلوا الناس وضربوا الخفر بتوعي". 

وأكملت القول: "وبقيت أصرخ ومنهم واحد مسكني من الروب ويحذفني زي الكورة، فجأة البيت كله دخله حوالي 20 شخص ستات ورجالة، أنا ساكنة في المريوطية، وبعدين مش ملاحقة الناس واقتحموا البيت".

وقالت: "الستات حاولوا يكتّفوني وبعدين جريت على امى، وجوزى اللي رافعه عليه قضية خلع، كانوا بيحاولوا يمكنه من البيت والستات خدوا مني موبايلي وكتّفوني وهو مسح الفيديوهات الخاصة بالكاميرات، البيت ده بيتي من سنة 99 من قبل ما أشوفه وتتجوزه".

وواصلت:"، أمي اتضربت بالشوم قدامي من جوزي، وجاء البوليس بعد فترة وإحنا كنا في الجنينة وهو جوا البيت، وحكيت لهم القصة كلها وبعد نص ساعة روحنا على قسم الشرطة وفجأة لقيت كل الناس اللي اتهجموا عليا مشيوا، ولما طلعنا على القسم قالولي إنتي صاحبة الشوم ده فقلت لهم لأ دا همّا اللي اقتحموا بيتي".

وأضافت: "عملت محضر فيه وقالولي لو متصالحتوش إنتي وأمك هتقعدوا لتاني يوم، وهو بيقول إن بيتك كبير ممكن يعيش في جزء منه علشان زوجك، فقلت ليهم ده مش زوج وأنا رافعة عليه قضية خُلع، ورفضت التصالح وبعدين فتحوا التحقيق وفضلت في النيابة لحد تاني يوم الصبح".

وتابعت:" وأنا مروّحة مشيت 10 أمتار من القسم لقيت اللي شغّالين في البيت بيصرخوا وبيقولوا ان فيه ناس ملثمين اقتحموا البيت وخرّجوهم منه وضربوهم، فرجعت تاني على القسم ونزلوا معايا قوة وهو كان جوا ومعاه ناس مسلحة وبيقول للناس اللي معاه محدّش يضرب نار، أنا دلوقتي مشكلتي مش البيت أنا خايفة على نفسي وأمي".

واختتمت قولها:" هو دلوقتي في بيتي، وأنا في حتة تانية، هو احتلّ البيت مع الناس اللي رموا عليا مولوتوف، أنا روحت لكل الناس والموضوع حالياً عند المحامي العام وأنا منتظرة الرد ومحكمة الأسرة كان المفترض تحكم من شهر بس هو ردّ المحكمة، أنا بقالي في القضاء من 2018 عايزة انفصل عنه ومش عارفة" بحسب تعبيرها.