مبروك عطية يخرج عن صمته وينفعل على هبة قطب بلفظ جريء غير متوقع

انتقد الداعية الإسلامي الدكتور مبروك عطية الدكتورة هبة قطب استشاري العلاقات الزوجية، بعد تصريحاتها التلفزيونية عن كون المرأة العاملة أفضل لزوجها من ربة المنزل، لأنها ستتطلب منها العديد من الأمور كالخروجات والطلبات وغيرها مما قد يؤدي إلى ظهور مشكلات.

وقال مبروك عطية في رده على تلك الدعوات: "هي العبادات مقتصرة على الراجل بس.. الست عندها فرصة أكبر للعبادات بوجوها في المنزل، ولا الست على رأيهم هتبقى محتاجة للي يدلعها ويشخلعها ويتكلم معاها.. الراجل راجع من الشغل دماغ (دين أمه) في الضهر اللي ما صلهوش وعايز يلحقه قبل العصر ما يأدن.. أما يقولها هاتي المصلية وصحي العيال وغيره.. هو ده مش كلام؟".

وقال مبروك عطية موجها كلامه لها: "أنا معرفش انتو بتجيبوا الكلام ده منين، مشيرًا إلى أن الناس والفن عندما يتحدثون عن المجتمع ويناقشون قضاياه، وكأنهم "بيتكلموا عن مجتمع ملوش رب".

وقال عطية في فيديو نشره على فيسبوك: "الإعلام فاسد.. وشايف إن الست لما تبقى قاعدة في البيت بتبقى زهقانة.. وعايزة حد يخرجها ويناغشها ويفسحها"، "وماحدش من اللي بيتكلموا قال حق ربنا عليها.. بأن وجودها في البيت عبادة، وما حدش قال إن لها مصحف تقعد تحفظ منه بعض السور".

واختتم بقوله: "الحياة الزوجية وفاق.. وبلاش نحشر المثقين والمتنورين يرسمولنا حياة.. احنا اتربينا وبقينا بروفيسرات، لا عمرنا شوفنا أبونا بيكلم أمنا ولا بيفسحها، ولكن كانوا بيساعدوا بعض في الغيط.. ونجحوا في حياتهم".