شاهد بالفيديو.. الفنان تامر حسني يتخذ خطوة جرئيه و يكشف عن مقطع فيديو نادر له بعمر 11 عاما.. لن تصدقوا كيف كان شكله والمفاجاة في صوته

كشف النجم تامر حسني عن مقطع فيديو نادر له من طفولته، حيث شارك وهو بعمر 11 عاما بتصوير مشروع تخرج الإعلامي عمرو الليثي، وتحدث تامر في الفيلم عن أمنيته باحتراف عالم كرة القدم، بدلا من دخول عالم الغناء والتمثيل، وقام تامر بعمل تعديل على الفيلم الأصلي ليظهر بشخصيته الحقيقية الأن وهو يرد على نفسه بعمر الصبا.

تامر قام بنشر الفيلم ضمن حملته للترويج للطاقة الإيجابية ومقاومة الإحباط بين الأجيال الشابة، وعلق عليه عبر حسابه بموقع انستغرام قائلا: ونشر تامر حسني، مقطع فيديو عبر حسابه الشخصي بموقع تبادل الصور والفيديوهات، وعلق قائلًا: طالب من كل متابعيني يشوفوا الفيديو ده، لأنه مليان بالطاقة الإيجابية اللي ممكن تطمن كثير منكم.. ممكن يكونوا أحبطوا عشان فشلوا في شيء.. بس ميعرفوش أن اللي مستنيهم أهم وأجمل.. بس يجتهدوا ويسعوا..

ربنا موجود ومش بيضيع تعب حد.وتابع: ملحوظة هامة جدًا.. الطفل اللي في الفيديو هو أنا برضو وأنا عندي 11 سنة.. كنت بطل مشروع تخرج صغير على قدي.. بس كان مشروع تخرج الإعلامي الكبير عمرو الليثي من معهد السينما، ودمجته مع تصوير جديد مخصوص مع صديق العمر المخرج الكبير ياسر سامي، وعملته من فترة بس أكيد مش الكل شافه.. يارب يعجبكوا، وعلى فكرة دي قصتي بجد.

يذكر أن تامر تحدث سابقا عن حلمه باحتراف لعب كرة القدم، ضمن منشور لحث الشباب على وضع خطط بديلة لأحلام العمر، وقال عبر حسابه بموقع الفيس بوك: تابع قائلا: هطلب طلب منكم قبل أي شيء افتكروا معاناتي في بدايتي وظروفي الصعبة من غير أب ومن غير أي فلوس وبنزل اشتغل في الشوارع من عامل بنزينه لسوبر ماركت لفواعلى يعنى اللي بيبنوا العمارات بطلع طوب وأسمنت عشان ارجع بيتي لأمي الغلبانة بخمسة جنيه بالإضافة لمرتب النادي".

وأضاف: "كنت بلعب كوره وكان مرتبي 22 جنيه في الشهر منهم بقي تحويشة الميه والكهرباء وعمليات أخويا عشان كان عيان لفترة كبيرة.. كنت بعمل المستحيل فعلاً عشان أمي وأخويا وعشان أوصل لهدفي.. كان جوايا سعى دائم لطريقين الكورة والغناء وبقول دا عشان ناس كتير عايز أنصحها بالخطة البديلة عشان لو الحلم مجاش يكون في غيره".وتابع: "زي ما أنا كان نفسى أبقى لاعب كورة والكورة مش ليا والأندية كلها مشوني، ورغم تفوقي كنت بسأل نفسى ليه الأبواب كلها بتتقفل في وشى أتاريها بتتقفل عشان توجهنى لمسار آخر ولما أمنت بكده فهمت قدام إن ربنا كان شايلى الأحسن ليا بس ساعتها مكنتش فاهم، واللي بيسأل نفسه دلوقتى يعنى أنا أكمل في حلمى ولا أشوف حلم تانى هقوله دايماً اطلب من ربنا يساعدك هتلاقى علامات بتجيلك بس الشاطر اللى يفهمها.. علامات هتأكدلك تكمل أو لا.. بس اجتهد واتعب عشان المجهود دا ليه كرم متحوشلك فى مجالك التانى فاوعى تقول تعبت عالفاضى".

ووجه رسالة للمحبطين قائلا: "بالنسبة للمحبطين هيفضلوا موجودين انت اللى بتسمعلهم وانت اللى بتسمح إنك تتأثر بيهم.. امنع دا فوراً متبقاش السبب فى أذية نفسك متتشدش غير لكل جميل ولكل إيجابى هتلاقى كل الحلو بيجيلك ومتعملش العكس عشان هيجيلك برضو عشان كدا بقولك انت السبب دايماً قول يارب واجتهد وافهم إن الراحة المطلقة فى الجنة بس واحنا على الأرض وربنا قال إنه خلقنا فى كبد يعنى شقاء عشان يكون عندنا تحدى نكسبه ولازم نكسبه عشان كتير قبلينا كانت ظروفهم أصعب ووصلوا يبقى الموضوع فينا".

وأكمل: "متبقاش أكبر عدو لنفسك.. انت السبب..خد قرار صارم فوراً فى التغير والنهوض والنجاح.. والله هتوصل متسمعش غير لقلبك وسلم قلبك للّى خلقه وتوكل على الله".