كشف المستور والد ياسمين صبري يوضح سبب الخلاف معها وموقفه من ابو هشيمة

 خلال لقائه مع الإعلامية مروة صبري ببرنامج «قعدة ستات» خرج السيد أشرف صبري والد الفنانة ياسمين صبري عن صمته وكشف بكل صراحة سبب خلافاته مع الفنانة مؤكّداً أنه تزوج على والدتها بعد انفصالهما.

وقال أشرف صبري في البرنامج المذاع على شاشة "القاهرة اليوم": "عندنا مبادئ في عيلة والمبادئ دي لو متنفذتش، بعتبر أنا بره القصة خالص، ياسمين مش صغيرة ودي تاني جوازه ليها ..حتى لما هي بتقول ده بابا أتجوز مرة واثنين وثلاثة هي مبتبصش لنفسها ليه ؟.. هي زعلانه إني اتجوزت غير مامتها.. مع إن مامتها نفس الحكاية".

وأضاف أشرف صبري: الحياة فيها حاجات كتير ملناش يد فيها دايما مجرى الحياة بتاخد الواحد وفي لحظة بيحصل انفصال وفي لحظة تانية بتكون حبيت شخصية وتقول أه هي دي وتتجوز وبعدين تقولي لا أنا اتسرعت.

وتابع والد الفنانة ياسمين صبري: الحقيقة دي دروس احنا بناخدها في حياتنا الخاصة ولكن مبيأثرش على حياتنا العملية اهتمامي بشغلي زيادة عن الزوم كان هو ليه تأثير في حياتي الخاصة لأني مشغول طول الوقت.. والزوجة دايما عايزة تسمع كلام حلو.