الفنان عمر خورشيد كان يفعل هذا الشيء الصادم لمراته ويحبها من طرف واحد

كشف الفنان عمر خورشيد عن رأيه في تريند “المرأة مش ملزمة”، الذي انتشر في الفترة الأخيرة، وجدل مساعدة الزوج للزوجة.

فقال عمر خورشيد خلال لقائه بموقع تحيا مصر: “أنا بغسل المواعين وبروق البيت وبقعد ببنتي وبغيرلها هدومها عشان مراتي مبتعرفش وبرضع بنتي لمدة 6 شهور، ومفيش حاجة اسمها ملزمة ومش ملزمة الموضوع بالتراضي، لو قابل تجيب لمراتك خدامة جبلها مش قادر اقعد معاها وقولها انها تشيل معاك يا كل واحد من طريق”.

وتابع: التفاهم هو اللي باقي في العلاقة الزوجية لا حب باقي ولا حاجة باقية، فين الحب لو احنا كل يوم بنتخانق مع بعض ومش متافهين على حاجة.

وتحدث عمر خورشيد عن علاقته بزوجته ياسمين الجيلاني، فقال: متجوز عن قصة حب من طرف واحد، أنا خطفتها هي مكنتش موافقه هي فجأة لقت كتب الكتاب كمان أسبوع، أنا صورت معاها مسلسل أشرار وطيبين وكنت طالع خالها شفتها حبيتها ومقولتلهاش وفضلت عايش حياتي لحد ما قولت لازم ألتزم واتجوز، فبطلت كل الحاجات الصح اللي بعملها  كان من ضمنها الغرور بطلتها قبل الجواز".

وتابع: "كملتها قولتلها انتي فين قالت أنا فرنسا وراجعة بعد شهر واحنا كنا صحاب وهي عارفة كل حاجة عني حتى علاقاتي مع الستات قولتلها عايزة اتقدملك خدته بهزار قالتلي تعالى خالي موجود روحتلها وهي مش فاهمة حاجة وقرينا الفاتحة وقولتلها بعد أسبوع هنكتب الكتاب وكلمتها وكتبنا الكتاب وجبنا الفستان واتجوزنا، هي كانت بتحبني بس عاملة عبيطة".

وأضاف عمر خورشيد خلال اللقاء موضحا رأيه في ظاهرة التنمر المنتشرة على السوشيال ميديا هذه الأيام، فقال: الفنانين بيزعلوا لما حد يتنمر عليهم لكن هو مش بيفرق معايا اللي هو قول اللي انت عايزه مش بيفرق معايا لكن انا بزعل لزميلي جدا فممكن ادافع عنه بس مدافعش عن نفسي وميصحش خالص عيب يعني اننا نصب نفسنا اننا نتكلم عليها.